ABŞ Prezidenti Co Bayden mediaya Çin Prezidenti Si Dzinpinlə görüşdən gözləntiləri barədə danışıb.

Baydenin dediyi kimi, onun məqsədi Çinlə, o cümlədən hərbi nöqteyi-nəzərdən normal əlaqəni bərpa etməkdir.

“Məqsəd normal ünsiyyət kursuna qayıtmaq, böhran zamanı bir-biri ilə danışa bilməkdir. Biz əmin olmalıyıq ki, hərbçilərimiz hələ də bir-biri ilə əlaqə saxlayır. Sizə dediyim kimi, biz Çindən ayrılmağa çalışmırıq, amma etməyə çalışdığımız şey münasibətləri yaxşılığa doğru dəyişməkdir” – deyə Bayden bildirib.

Co Bayden və Si Dzinpin noyabrın 15-də görüşəcəklər. İki ölkə lideri arasında danışıqlar San-Fransiskoda Asiya-Sakit Okean İqtisadi Əməkdaşlıq Təşkilatının sammitində keçiriləcək.