Gürcüstan milli komandası iyunun 2-də Rumıniya ilə yoldaşlıq oyunu keçirəcək – qarşılaşma saat 21:00-da başlayacaq, birbaşa reportajı Gürcüstanın Birinci Kanalı sizə təqdim edəcək.

Faktlar

Rumıniya yığması ilə ilk qarşılaşma uzaq 1980-ci ildə baş tutub: həmin vaxt Tbilisinin “Dinamo”su beynəlxalq turnirin finalında Rumıniya yığmasını 2:0 hesabı ilə məğlub edib (qollar: Vitali Daraselia, Vaja Jvania);
Müstəqil Gürcüstan milli yığmasının egidiyası ilə Rumıniya yığması ilə ilk matç 1996-cı ildə baş tutub (0:5) – bu, “Xaçlılar”ın tarixdəki 25-ci oyunu idi;
Gürcüstan yığması Rumıniya ilə sonuncu dəfə 2021-ci ilin iyunun 2-də qarşılaşıb və 2:1 hesabı ilə qalib gəlib. Həmin oyunda Qiorqi Mikautadze millidəki debüt qolunu vurub, komandanın kapitanı isə Tornike Okriaşvili olub;
Bu gün Gürcüstan və Rumıniya yığmaları arasında doqquzuncu qarşılaşmadır – əvvəlki səkkiz oyundan birində Gürcüstan qalib gəlib, ikisi heç-heçə başa çatıb, beş dəfə isə rumınlar qələbəni bayram ediblər (o cümlədən bir dəfə Kipr beynəlxalq turnirində penaltilər seriyasında).

Gürcüstan yığması

Matçdan bir gün əvvəl “Xaçlılar” qarşılaşmanın ev sahibi olan Mixeil Mesxi adına stadionda məşq ediblər. Məlumdur ki, zədə səbəbindən Qiorqi Mikautadze və Zuriko Davitaşvili Rumıniya və Bəhreynlə (5 iyun) oyunları buraxmalı olacaqlar, Xviça Kvaratsxelia isə bir neçə gündən sonra yığmaya qoşulacaq və Bəhreynə qarşı oynayacaq.

Rumıniya ilə qarşılaşmadan sonra milli komandada sonuncu – 129-cu oyununu keçirən komandanın kapitanı Quram Kaşia Gürcüstan yığması ilə vidalaşacaq.

Rumıniya yığması

Qeorqe Haci Rumıniya yığmasının baş məşqçisi postunda debüt matçına 23 oyunçu ilə hazırlaşır. Zədələr səbəbindən rumınların heyətində qapıçı İonut Radu (“Selta”), müdafiəçilər Andrei Ratsiu (“Rayo Valekano”), Nikor Banku (“Universitatea”), yarımmüdafiəçilər Denis Man (“Eindhoven”), Nikolae Stançu (“Cenoa”) və hücumçu Denis Draquş (“Gaziantep”) yer almayacaqlar.