İtaliyada aeroportlar və aviaşirkətlərin tətili səbəbindən 1000-ə yaxın reys ləğv edildi

İtaliyada aeroportlar və aviaşirkətlərin kütləvi tətili səbəbindən 1000-ə yaxın reys ləğv edildi, nəticədə 250 min sərnişin ziyan gördü, – məlumatı beynəlxalq media yayır.

Tətil edən işçilərin əsas tələbi maaşların artırılması və iş şəraitinin yaxşılaşdırılmasıdır.

Medianın yazdığına görə, tətil ölkənin bütün aeroportlarını əhatə edir.

Roma və Vinç aeroportunda 200-ə qədər uçuş ləğv edildi. Eləcə də Milan, Venesiya və Neapol aeroportlarında onlarca reys ləğv edildi.

Aviaşirkətlər bir neçə gün əvvəldən sərnişinlərə reyslərin ləğvi barədə məlumat verdilər.