İsveçrənin xizək kurortunda baş verən partlayış nəticəsində azı on nəfər həlak olub

İsveçrənin xizək kurortunda baş verən partlayış nəticəsində azı on nəfər ölüb, yaralananlar var.

Bu barədə “Sky News” məlumat yayıb.

Partlayış yerli vaxtla saat 01:30-da, Yeni ilin qeyd olunduğu Krans-Montana xizək kurortunda yerləşən Le Constellation Bar and Lounge məkanında baş verib.

Azı on nəfər yaralanıb.

Medianın məlumatına görə, partlayış zamanı barda 100-dən çox insan olub.

İsveçrə mediası yazır ki, partlayışa ehtimal ki, pirotexniki vasitə səbəb olub, lakin dəqiq səbəb hələlik məlum deyil.

Polis hadisənin terrorla əlaqəli olmadığını təsdiqləyib.

Hadisə yerinə axtarış-xilasetmə qrupları cəlb olunub.