İsveçin Baş naziri Ulf Kristersson parlament seçkilərindəki məğlubiyyətdən sonra istefa verib

17:36, 17.09.2026

 

İsveçin Baş naziri Ulf Kristersson Mərkəzi Seçki Komissiyasının rəsmi nəticələri onun sağ-mərkəzçi blokunun sentyabrın 13-də keçirilən parlament seçkilərində məğlub olduğunu təsdiqlədikdən sonra vəzifəsindən istefa verdiyini bəyan edib.

Yekun məlumatlara əsasən, keçmiş baş nazir Maqdalena Andersonun Sosial-Demokrat Partiyasının rəhbərlik etdiyi sol-mərkəzçi blok 50 359 səs üstünlüyü ilə qələbə qazanıb. İsveç İctimai Yayımçısının dərc etdiyi göstəricilərə əsasən, sol-mərkəzçi müxalifət partiyaları yeni parlamentdə 176 yer, Kristerssonun koalisiya hökuməti və ultra-sağçı “İsveç Demokratları” isə 173 mandat əldə ediblər.

İsveçin yeni seçilmiş parlamenti sentyabrın 28-də deputatların and içməsi və parlament sədrini seçməsi üçün toplanacaq. Yeni sədr baş nazirliyə namizədi təqdim edəcək, bundan sonra deputatlar namizədə səs verəcəklər. Əgər deputatların yarısından çoxu namizədliyin əleyhinə səs verərsə, parlament sədri baş nazir üçün yeni namizədin seçilməsi prosesinə başlayacaq.

Seçkilərin nəticələrinə əsasən, İsveçdə hökumətin formalaşdırılması prosesi uzunmüddətli danışıqlar tələb edə bilər.

Oxşar