Gürcüstanın Milli Turizm Administrasiyası Türkiyənin İstanbul şəhərində keçirilən Beynəlxalq Turizm Sərgisində iştirak edib.

EMITT 2025 sərgisində Milli Turizm Administrasiyası ilə yanaşı, Acaranın Turizm və Kurortlar Departamenti, İmereti və Sameqrelonun Destinasiya İdarəetmə Təşkilatları öz məhsullarını təqdim etdilər.

Sərgidə Gürcüstanın 10-a yaxın özəl şirkəti iştirak edib.

Sərgidə Gürcüstanın İstanbuldakı baş konsulu Aleksandr Cişkarani iştirak edib.

EMITT 2025 çərçivəsində Gürcüstanın tanıtım stendində Gürcüstan turizm məhsullarının təqdimatı keçirilib. Sərgi qonaqları ölkənin turizm sənayesi, Gürcüstan kurortları, mədəniyyəti ilə tanış olublar. Gürcüstanın özəl sektorunun nümayəndələri B2B formatı çərçivəsində işgüzar əlaqələrin qurulması üçün İstanbulda türkiyəli həmkarları ilə görüşlər keçiriblər.

EMITT 2025 turizm sərgisində dünyanın 95 ölkəsindən 30 minə yaxın ziyarətçi iştirak edib, sərgidə 653 turizm təşkilatı və şirkəti təmsil olunub. İstanbul sərgisi 220-dən çox turoperatoru qəbul edib.

Məlumatı Milli Turizm Administrasiyası yayıb.