İsrailin Müdafiə Qüvvələrinin məlumatına əsasən, gecə Qəzza şəhərini 20 000 fələstinli tərk edib.

Yayılmış məlumata əsasən, şəhərdən 320 000-dən çox fələstinli sektorun digər rayonlarına köçüb, bu da İsrail ordusu tərəfindən bu ərazidə “HƏMAS”a qarşı planlaşdırılan hücum başlamazdan əvvəl baş verib.

İsrailin Müdafiə Qüvvələri “HƏMAS”a qarşı irimiqyaslı hücuma hazırlaşmağa başlamazdan əvvəl Qəzza şəhərində təxminən bir milyon fələstinli yaşayırdı.

Ötən həftə İsrailin Müdafiə Qüvvələri planlaşdırılan hücuma başlamazdan əvvəl şəhərin bütün sakinlərinin təxliyyə edilməsini əmr edib. Mülki şəxslərə Qəzza sektorunun cənubunda yerləşən İsrail tərəfindən təyin edilmiş humanitar zonaya köçmələrinə dair göstəriş verilib, lakin Qəzzanın bir çox sakini sektorun heç bir yerdə təhlükəsiz olmadığını deyir.