İsrailin Müdafiə Qüvvələri səkkiz dəmir yolu körpüsünü və İran hakimiyyətinin silah və hərbi texnika daşımaq üçün istifadə etdiyi yolun bir hissəsini bombaladıqlarını bəyan edir.

Hərbçilər zərbələrin Tehran, Karac, Təbriz, Kaşan və Qum da daxil olmaqla İranın bir neçə rayonunda həyata keçirildiyini bildiriblər.

“Keçidlər rejim qüvvələrinin avadanlıq və silah daşımaq üçün istifadə etməsinin qarşısını almaq üçün bombalanıb” – İsrailin Müdafiə Qüvvələrinin bəyanatında deyilir.

Zərbələr başlamazdan əvvəl hərbçilər iranlılara ölkədə qatarlardan istifadə etməmələri barədə xəbərdarlıq ediblər.

Eyni zamanda, İsrailin Baş naziri Benyamin Netanyahu İsrailin İran rejimini artan güclə “əzdiyini” bildirib.