İsrailin Müdafiə Qüvvələri İranda yaşayan əhaliyə təhlükəsizlik məqsədilə qatarla səyahətdən çəkinməyə dair xəbərdarlıq edir

11:41, 07.04.2026

İsrailin Müdafiə Qüvvələri İranda yaşayan əhaliyə təhlükəsizlik məqsədilə qatarla səyahətdən çəkinməyə dair xəbərdarlıq edir.

Sosial şəbəkədə yayılmış bəyanatda deyilir ki, İran vətəndaşları yerli vaxtla saat 21:00-a qədər təhlükəsizlik məqsədilə ölkə miqyasında qatarla səyahət etməməlidirlər.

“Qatarlarda və ya dəmir yolu xətlərinin yaxınlığında olmaq insan həyatı üçün təhlükə yaradır” – bəyanatda deyilir.

Bununla yanaşı, İsrailin Müdafiə Qüvvələri “Tehranda infrastrukturu” hədəf alan və İran rejimi ilə əlaqəli olan növbəti hava hücumu dalğasını bitirdiyini bəyan edib. Onlar zərbələr nəticəsində “Hizbullah”ın üzvlərinin həlak olduğunu bildiriblər.

Müəllif - Sevinj Mustafaeva

Dünya