İsrailin hücumundan sonra Tramp ABŞ-ı təkrar hücum halında Qətəri müdafiə etməyə məcbur edən icra sərəncamı imzalayıb.

Ağ Ev ABŞ Prezidenti Donald Trampın hökuməti Qətərə istənilən silahlı hücumu “Birləşmiş Ştatların sülh və təhlükəsizliyinə təhdid” hesab etməyə məcbur edən icra sərəncamını dərc edib.

Sərəncamda göstərilib ki, ABŞ Qətərə qarşı gələcək silahlı hücumlara sərt şəkildə cavab verəcək.

Amerika tərəfindən ərəb dövlətinin təhlükəsizliyinin təmin olunmasının mühüm öhdəliyi olan sərəncam, İsrail tərəfindən Dohada “HƏMAS” liderlərinə qarşı həyata keçirilmiş hücumun Trampın tənqidinə və Qətərin qəzəbinə səbəb olmasından təxminən üç həftə sonra dərc olundu. Daha sonra Tramp bu cür hücumların təkrarlanmayacağına söz verdi və bu həftə İsrailin Baş naziri Benyamin Netanyahunu qətərli həmkarından üzr istəməyə razı saldı.

“Belə hücum olacağı təqdirdə, Birləşmiş Ştatlar, Amerika Birləşmiş Ştatları və Qətər Dövlətinin maraqlarını qorumaq, sülh və sabitliyi bərpa etmək üçün diplomatik, iqtisadi və lazım gələrsə, hərbi də daxil olmaqla, bütün qanuni və müvafiq tədbirləri görəcək. ABŞ-nin yüksək vəzifəli şəxsləri Qətər Dövlətinə qarşı istənilən xarici təcavüzə sürətli və koordinasiyalı cavab verəcəklər” – Trampın sərəncamında qeyd olunub.