İsrailin hakim koalisiyasında bildirirlər ki, ölkədə parlament seçkiləri oktyabrın 27-də keçiriləcək və seçkilərin tarixi dəyişdirilməyəcək

İsrailin hakim koalisiyası bəyan edib ki, ölkədə parlament seçkiləri əvvəlcədən planlaşdırıldığı kimi oktyabrın 27-də keçiriləcək və seçkilərin tarixi dəyişdirilməyəcək.

Seçkilərə hazırlığın rəsmi dövrü iyulun 17-də başlayacaq. Bundan sonra hökumət müvəqqəti icraedici statusunda fəaliyyət göstərəcək və geniş dəstəyə malik qanun layihələri, cari inzibati məsələlər və milli təhlükəsizlikdən irəli gələn zəruri tədbirlər istisna olmaqla, mühüm siyasi qərarlar qəbul edə bilməyəcək.

İsrailin Baş naziri Binyamin Netanyahu iyun ayında keçirilən mətbuat konfransında bildirib ki, oktyabrda keçiriləcək parlament seçkilərindən sonra geniş milli hökumətin formalaşdırılmasını istəyir.