İsraildə BMT Komissiyasının hesabatını rədd ediblər. Hesabata əsasən, Qəzza sektorunda İsrailin fəaliyyəti soyqırıma bərabərdir.

İsrail Xarici İşlər Nazirliyinin bəyanatında qeyd olunur ki, hesabat “tamamilə ‘Hamas’ın yalanlarına əsaslanır, hansı ki, başqaları tərəfindən yayılır və təkrarlanır”. İsrail hesabatın üç müəllifini “Hamasın kuklası” adlandırır.

“Bu uydurmalar artıq əsaslı şəkildə təkzib olunub. Hesabatda təqdim olunan yalanlardan fərqli olaraq, məhz ‘Hamas’ İsraildə soyqırımı törətməyə cəhd göstərdi, 1200 nəfəri öldürdü, qadınlara təcavüz etdi, ailələri diri-diri yandırdı və bütün yəhudilərin öldürülməsi məqsədini açıq elan etdi. İsrail qəti şəkildə rədd edir bu saxtalaşdırılmış və yalan hesabatı, BMT-yə müraciət edir ki, dərhal bu istintaq komissiyasını ləğv etsin,” – deyə İsrail Xarici İşlər Nazirliyinin bəyanatında bildirilir.

Xatırladaq ki, Birləşmiş Millətlər Təşkilatı tərəfindən yaradılmış komissiyanın hesabatına əsasən, İsrailin Qəzza sektorundakı fəaliyyəti soyqırıma bərabərdir. BMT-nin hesabatında bildirilir ki, Qəzza sektorunda “fələstinlilərin məhv edilməsi baş verir” və İsrailin fəaliyyəti soyqırım anlayışı üçün müəyyən edilmiş meyarlara cavab verir. “Sky News”un yazdığına görə, bu, BMT-nin ilk dəfədir ki, bu cür bəyanatı açıq şəkildə edir.