İspaniyanın xarici işlər naziri Xose Manuel Albares ölkəsi tərəfindən Ukraynaya göstərilən yardımın bu il təxminən 1 milyard avro təşkil etdiyini bildirir.

Albares, bu məbləğə Amerika Birləşmiş Ştatlarından Ukrayna üçün silah alınması, eləcə də məsələn, generatorlar kimi digər avadanlıqların xərclərinin daxil olduğunu deyib.

“İspaniyanın Ukraynanın suverenliyi, müdafiəsi qarşısında uzunmüddətli öhdəliyi var və müharibə davam etdiyi müddətcə onu müdafiə edəcək” – İspaniyanın xarici işlər naziri qeyd edib.

Bununla yanaşı, Xose Manuel Albares bildirib ki, İspaniya Ukraynanın Avropa İttifaqına üzv olmasını, eləcə də rus yüksək vəzifəli məmurları cinayətlərə görə məsuliyyətə cəlb etmək məqsədi daşıyan xüsusi tribunalın yaradılmasını dəstəkləyir.

“Bütün hökumət Ukraynada çox şeyin bəhsə qoyulduğunu dərk edir: onun suverenliyi və azadlığı, eləcə də insan hüquqları, beynəlxalq hüquq və beynəlxalq humanitar hüquq” – İspaniyanın xarici işlər naziri qeyd edib.