İspaniyada daşqınlar nəticəsində həlak olanların sayı 217-ə qədər artıb

 
İspaniyada daşqınlar nəticəsində həlak olanların sayı 217-ə qədər artıb. Onlardan 213 nəfəri Valensiyada həlak olub.

Bu vaxta olan məlumata əsasən, Valensiyanın cənubunda “qırmızı” həyəcan səviyyəsi qüvvədədir. Sinoptiklər bildirirlər ki, güclü yağıntının düşməsi gözlənilir. Mazaronda əhalini artıq ehtiyatlı olmağa çağırıblar və evdə qalmaları üçün bildirişlər göndəriblər.

Xatırladaq ki, bu gün İspaniyanın kralı Felipe kraliça və İspaniyanın Baş naziri Pedro Sançeslə birlikdə Valensiyada, Paiporta şəhərində olub. Onlar vətəndaşların etirazına görə tezliklə ərazini tərk etmək məcburiyyətində qalıblar. İnsanlar onlara doğru müxtəlif əşyalar atırdılar.

Paiportanın sakinlərinin dedikləri kimi, etiraza səbəb hökumətin hərəkətsizliyi olub, çünki onlar yüzlərlə insanın ölümünə səbəb olan gözlənilən daşqınla bağlı xəbərdarlıq etməyiblər.