İspaniya hökuməti miqrasiya və sığınacaq verilməsi haqqında qanunvericilikdə islahatın aparılmasını nəzərdə tutan qanun layihəsini təsdiqləyib

İspaniya hökuməti miqrasiya və sığınacaq verilməsi haqqında qanunvericilikdə islahatın aparılmasını nəzərdə tutan qanun layihəsini təsdiqləyib.

Ölkənin daxili işlər naziri Fernando Qrande-Marsalkanın izahına əsasən, qanun layihəsinin məqsədi “İspaniya qanunvericiliyini Avropa İttifaqının Miqrasiya və Sığınacaq Paktına uyğunlaşdırmaqdır”.

İslahat həmçinin Avropa İttifaqına üzv ölkələr üçün məcburi olan, qeyri-qanuni miqrantların geri qaytarılması məqsədilə seçmə konsepsiyasının tətbiqini nəzərdə tutur.

Avropa reqlamenti qaytarılma proseduru çərçivəsində müraciət edənin ölkə ərazisini nə vaxt tərk edəcəyi müəyyənləşdirilənədək miqrantın saxlanma təcridxanasında qalması üçün maksimum 7 gün vaxt müəyyən edir. İspaniyada isə bu müddət 72 saatdır və onun uzadılması yalnız hakimin qərarı ilə mümkündür. Daxili işlər naziri Fernando Qrande-Marsalka bildirib ki, 72 saatlıq müddət artırılmayacaq.