İsmayıl Bəqai – ABŞ-ın barbar hərəkətləri terrorçu qruplaşmaların davranışlarını xatırladır

ABŞ-ın barbar hərəkətləri terrorçu qruplaşmaların davranışlarını xatırladır. Bunu İran Xarici İşlər Nazirliyinin sözçüsü İsmayıl Bəqai bildirib.
İranlı rəsmi qeyd edib ki, ABŞ iyunun 16-da Çabahar şəhərindəki dəniz müşahidə qülləsini qəsdən bombalayıb. Bəqainin sözlərinə görə, ABŞ-ın müharibə naziri qüllənin dağıldığı görüntüləri qürurla yayıb və əlavə edib ki, imkanı olsaydı, eyni dəhşətli qürurla Minab şəhərindəki məktəbə raket hücumu və Lamerd bölgəsində dinc əhalinin qətliamı barədə məlumatları da paylaşardı.
İran Xarici İşlər Nazirliyinin nümayəndəsinin iddiasına görə, ABŞ həmçinin elektrik stansiyalarına və duzsuzlaşdırma qurğularına hücum edib, nəticədə 10 mindən çox insan içməli susuz qalıb.
“Bir vaxtlar özünü nizam-intizamın, liberalizmin və terrorizmlə mübarizənin qlobal müdafiəçisi kimi təqdim edən bir dövlət üçün dağıdılmış körpülərin və mülki infrastrukturun görüntülərini qürurla nümayiş etdirmək onun yeganə qələbəsi kimi görünür”, – deyə İsmayıl Bəqai bildirib.
Onun sözlərinə görə, bütün körpülər, qüllələr və mülki obyektlər dağıldıqdan sonra təkcə polad və beton deyil, həm də dünyanın gözü qarşısında Amerikanın mənəvi nüfuzu, beynəlxalq hüququn bütöv sistemi və Qərbin sivilizasiya iddiaları da dağıntıya çevrilir.