“Isaias” qasırğası səbəbindən Florida və Alabama ştatlarında fövqəladə vəziyyət elan edilib
“Isaias” qasırğası səbəbindən Florida və Alabama ştatlarında fövqəladə vəziyyət elan edilib. “CNN”, qasırğanın şənbə-bazar günləri Meksika körfəzinin şimal sahillərinə çatacağının gözlənildiyinə dair məlumat verir.
Floridanın qubernatoru Ron DeSantis 25 dairədə fövqəladə vəziyyət elan edib və əhalini hazırlaşmağa çağırıb. Floridanın iki dairəsində isə məcburi təxliyə əmrləri verilib.
Alabamada qubernator Key Ayvi 40 dairədə fövqəladə vəziyyət elan edib.
“Isaias” 2026-cı ilin Atlantik mövsümünün ilk qasırğasıdır. O, rekord dərəcədə gec, oktyabrın 8-də yaranıb. Bu, Atlantik regionunda ilk qasırğanın ən gec yaranması halıdır.
Əvvəlki rekordçular 2002-ci ilin “Gustav” qasırğası və 2013-cü ilin “Humberto” qasırğası olub. Onların hər ikisi sentyabrın 11-də yaranmışdı.
“Isaias”ın sahilə 2-ci kateqoriyalı güclü qasırğa şəklində çatacağı, küləyin sürətinin isə saatda 177 km olacağı gözlənilir.