Hörmüz boğazı əbədi olaraq bizimdir, əbədi olaraq Tehranın mülkiyyətində və idarəçiliyində qalacaq – bu haqda İran Parlamentinin Milli Təhlükəsizlik Komissiyasının rəhbəri Ebrahim Aziz bildirir.

ISNA dövlət xəbər agentliyinə danışarkən o, həmçinin qeyd edib ki, Hörmüz boğazı İran üçün hərtərəfli iqtisadi, siyasi və hərbi vasitədir.

Bununla yanaşı, bir müddət əvvəl Tehranın Vaşinqtona təqdim etdiyi sülh sazişinin bəndləri yayılıb, sazişdə İran, Hörmüz boğazının açılması müqabilində ABŞ-dan sanksiyaların ləğv edilməsini və ölkənin dəniz blokadasına son qoyulmasını tələb edir.

Məlumat üçün bildirək ki, İsrail və ABŞ tərəfindən İrana qarşı müharibə başladıqdan sonra Tehran dünya neft və mayeləşdirilmiş təbii qazın təxminən 20%-nin keçdiyi Hörmüz boğazını bağladı. Hazırda enerji ehtiyatları ilə yüklənmiş gəmilərin əksəriyyəti boğazdan keçə bilmir.