İranın Məhkəmə Hakimiyyətinin rəhbəri – Xalqı üsyana çağıranlara və anlaşılmaz bəyanatlarla ayrı-ayrı şəxsləri provokasiyaya sövq edənlərə qarşı sıfır tolerantlıq olacaq

İranın Məhkəmə Hakimiyyətinin rəhbəri Ğolam Hoseyn Mohsen Ecei etiraz çağırışları yayan hər kəsi sıfır tolerantlıqla hədələyir.

“Xalqı üsyana çağıranlara və ya təhrik edənlərə, eləcə də anlaşılmaz bəyanatlarla ayrı-ayrı şəxsləri provokasiyaya sövq edənlərə qarşı sıfır tolerantlıq olacaq” – İranın Məhkəmə Hakimiyyətinin rəhbəri sosial şəbəkədə yazır.

Məlumat üçün bildirək ki, İranda nümayişlər 15-ci gündür davam edir. ABŞ-da əsası qoyulan İnsan Hüquqlarının Müdafiəsi Fəallarının Xəbər Agentliyinin (HRANA) məlumatına əsasən, İranda cari etiraz aksiyalarında ən azı 544 nəfər həyatını itirib, onlardan 500-dən çoxu fəaldır.

Bu vaxta olan məlumatlara əsasən, ölkə miqyasında təxminən 10 600 fəal saxlanılıb. Medianın məlumatına əsasən, İran əhalisinin əksəriyyətinin artıq 84 saatdan çoxdur internetə çıxışı yoxdur.