Hörmüz boğazı düşmən gəmiləri üçün bağlanıb, – bu barədə İranın İnqilab Keşikçilərinin yaydığı bəyanatda bildirilir.

Bəyanata görə, Hörmüz boğazından üç gəmi geri qaytarılıb, çünki marşrut “düşmən” hesab olunan limanlara üz tutan istənilən gəmi üçün bağlıdır.

‘Bu gün səhər korrupsiyalaşmış Amerika prezidentinin Hörmüz boğazının açıq olması ilə bağlı iddiasından sonra, müxtəlif ölkələrə məxsus üç yük gəmisi İranın İnqilab Keşikçilərinin Hərbi Dəniz Qüvvələrinin xəbərdarlığından sonra geri dönüb. Sionist-amerikalı düşmənlərin müttəfiqləri və tərəfdarlarının limanlarından, istənilən istiqamətdə və istənilən dəhliz üzrə hərəkət edən istənilən gəminin hərəkəti qadağandır’, – bəyanatda qeyd olunur.