İranın BMT-dəki missiyası ABŞ Prezidenti Donald Trampın ABŞ armadasının İrana doğru irəlilədiyi barədə bəyanatına cavab verir.

Missiyada bəyan edirlər ki, ABŞ-nin Yaxın Şərq ölkələrinə hücumu baha başa gəlib və ABŞ-ni dialoqa çağırırlar.

“Ən son, ABŞ Əfqanıstan və İraqda müharibələrə başlamaqla səhvə yol verəndə, yeddi trilyon dollardan çox pul israf etdi və 7000-dən çox amerikalı həyatını itirdi. İran qarşılıqlı hörmət və maraqlar əsasında dialoqa hazırdır, lakin məcburetmə olsa, özünü müdafiə edəcək və heç vaxt olmadığı kimi cavab verəcək!” – bəyanatda deyilir.

Məlumat üçün bildirək ki, ABŞ Prezidenti Donald Tramp vaxtının bitmək üzrə olduğu üçün İranın ədalətli və bərabər razılaşma imzalamaq üçün “danışıqlar masasına” tez bir zamanda gələcəyinə ümid etdiyini bildirib.

“Nəhəng armada İrana doğru gedir. O, sürətlə, nəhəng güc, həvəs və məqsədlə hərəkət edir. Bu, ən böyük təyyarədaşıyan gəmi “Abraham Lincoln”un başında olduğu Venesuelaya göndərilən donanmadan daha böyük donanmadır” – o, sosial şəbəkədə yazıb.