İrandan İsrail istiqamətində həyata keçirilən raketlərin iki mərhələli buraxılışı nəticəsində İsraildə 16 nəfər yaralanıb. İsrail mediasının məlumatına görə, bir nəfər orta dərəcədə, digərləri isə yüngül xəsarətlər alıb.

İsrail mediası bildirir ki, hücum ölkənin mərkəzi hissəsinə yönəldilib, bu zaman həyəcan siqnalları səsləndirilib. Bir raket Hayfaya düşüb, lakin bu bölgədə hücumdan əvvəl siqnallar səsləndirilməyib.

İran mediası yazır ki, İsrailə hücumun 20-ci mərhələsi çərçivəsində uzaq mənzilli ballistik raketlərdən istifadə olunub.

İran mediasının iddialarına görə, İranın son hava zərbələrinin əsas hədəfləri Ben Qurion Hava Limanı, İsrail rejiminin bioloji tədqiqat mərkəzi, logistika bazaları və idarəetmə və nəzarət mərkəzlərinin müxtəlif büroları olub.