Cenevrədə İran və Amerika Birləşmiş Ştatları arasında dolayı danışıqlar başa çatdı.

İranın Xarici İşlər Nazirliyinin sözçüsü İsmail Bağaenin bəyanatına əsasən, tərəflər sanksiyaların aradan qaldırılması və nüvə məsələləri ilə bağlı texniki detalları müzakirə edirdilər.

“Son iki gün ərzində həm Omanın xarici işlər naziri, həm də Beynəlxalq Atom Enerjisi Agentliyinin baş direktoru ilə bir neçə raundluq danışıqlar apardıq. Sanksiyaların aradan qaldırılması və nüvə sahəsi ilə bağlı fikirlərimiz, düşüncələrimiz və narahatlığımız hər iki tərəfə çatdırılıb” – Bağae bildirib.

İranın Xarici İşlər Nazirliyinin sözçüsü həmçinin qeyd edib ki, tərəflər “texniki detalları” müzakirə etməyə başlayıblar.

“Düşünürəm ki, danışıqlar davam edəcək və ehtimal ki, bir-iki saat ərzində işin hansı istiqamətdə gedəcəyi müəyyən olacaq” – İsmail Bağae qeyd edib.