İran tərəfindən Mərkəzi İsrailə raket hücumu nəticəsində səkkiz nəfər yüngül xəsarət alıb.

“Magen David Adom” Tibb Mərkəzinin məlumatına əsasən, səkkiz nəfər kasset bombasının döyüş maddəsinin təsiri nəticəsində xəsarət alıb.

Zərbələr Bnei Brak, Ramat Qan və Petah Tikvaya edilib.

İsrailin Səhiyyə Nazirliyinin məlumatına əsasən, son 24 saat ərzində İran və “Hizbullah”la münaqişə nəticəsində 121 nəfər yaralı xəstəxanaya yerləşdirilib.

Son gün ərzində xəstəxanalara müalicə üçün aparılanlar arasında biri ağır vəziyyətdədir, səkkizi orta ağırdır, 106-sının vəziyyəti qənaətbəxşdir. Altı nəfər isə narahatlıq səbəbindən müalicə olunub.

Nazirliyin məlumatına əsasən, müharibənin başlanğıcından bəri 6131 nəfər xəstəxanaya yerləşdirilib, onlardan 118-i hazırda xəstəxanadadır. Yaralılar arasında əsgərlər və mülki şəxslər var.