İran Prezidenti - Vaşinqton danışıqlarda hədə-qorxu prosesinə son qoyarsa, nüvə məsələsi üzrə ABŞ-la razılaşma mümkündür

12:23, 19.05.2025

Vaşinqton danışıqlarda hədə-qorxu prosesinə son qoyarsa, nüvə məsələsi üzrə ABŞ-la razılaşma mümkündür – bu barədə İran Prezidenti Masud Pezeşkian Qətərin Baş naziri Mohamed bin Abdulrahman bin Casim al-Tani ilə görüşü zamanı bildirib.

Masud Pezeşkian İslam Respublikasının heç vaxt təzyiqə boyun əyməyəcəyini xüsusilə vurğulayıb.

Öz növbəsində, Qətər hökumətinin rəhbəri İran Prezidentinin ağlabatan yanaşmasının regionda təhlükəsizlik və sabitliyə kömək edəcəyinə nikbinlik ifadə edib.

Qətərin Baş naziri həmçinin qeyd edib ki, keçmiş təcrübəyə əsaslanaraq, İranla münasibətlərdə təzyiq və məcburiyyət səmərəsiz olub, halbuki dialoq və qarşılıqlı anlaşma uğurlu olub.

Müəllif - Sevinj Mustafaeva

Dünya