İran İslam İnqilabı Keşikçiləri Korpusu Vaşinqtona xəbərdarlıq edir ki, ABŞ-nin İrana yenidən hücum edəcəyi təqdirdə, müharibəni regionun hüdudlarından kənarda davam etdirəcək.

Onların sözlərinə əsasən, Donald Tramp və Cey Di Vens İrana qarşı hərbi zərbələri bərpa edə biləcəklərini bəyan etdikdən sonra İran “Amerikan-Sionist düşmənin” təhdidinə cavab verməyə hazırdır.

“Biz hələ onlara qarşı İslam İnqilabının bütün imkanlarından istifadə etməmişik. İndi əgər İrana qarşı təcavüz təkrarlanarsa, vəd edilmiş regional müharibə bu dəfə regionun hüdudlarından kənara yayılacaq və gözləmədiyiniz yerlərə endirəcəyimiz məhvedici zərbələrimiz sizi tamamilə məhv edəcək” – İran İslam İnqilabı Keşikçiləri Korpusunun bəyanatında deyilir.