İran qonşu dövlətlərə, o cümlədən Cənubi Qafqaz ölkələrinə Bəndər-Abbas limanında müstəqil liman ofislərinin açılmasını təklif edir

İranın Xarici İşlər Nazirliyinin nümayəndəsi Seyid Əbdülrəsul Mühacir Heccazi Tehranın Aprin quru limanı terminalının son mərhələsinin açılış mərasimində bildirib ki, İran İslam Respublikası Bəndər-Abbasda obyektlər təqdim etməyə və qonşu ölkələrə müstəqil liman təşkilatlarının yaradılmasında kömək etməyə hazırdır.

İranlı diplomat izah edib ki, bir neçə şimal qonşusu, o cümlədən Mərkəzi Asiya ölkələri, Rusiya, Belarus və həmçinin Qafqaz ölkələri – Azərbaycan, Ermənistan və Gürcüstan, hansıların ki açıq dənizə çıxışı yoxdur, artıq İranın nəqliyyat şəbəkələri vasitəsilə Bəndər-Abbasa çıxış əldə edə bilərlər.

Heccazi əlavə edib ki, İranın Yol və Şəhərsalma Nazirliyi, nazir Farzanə Sadeqi rəhbərliyi altında, Bəndər-Abbasa çıxışı olan bu ölkələrə zəruri dəstəyi göstərməyə tam hazırdır. İranlı diplomata görə, Çabahar-Zahedan dəmir yolu ilin sonuna kimi tamamlanacaq və istifadəyə veriləcək, bu da İranın nəqliyyat infrastrukturunun inkişafında mühüm mərhələ olacaq.