Hakimiyyəti devirə bilmədilər, dövlət maraqlarını sona qədər qoruyuruq və vizasız gediş-gəliş bu prosesdə şantaj alətlərindən biridir – bu barədə parlamentin diaspora məsələləri üzrə komitəsinin sədri İrakli Zarkua deyib.

Zarkua bildirib ki, namizəd statusu halında olduğu kimi indi də eyni şey davam edir.

“Bizə deyirdilər, sizə namizəd statusu verməyəcəyik və zamanında deyil, bir il sonra bizə verdilər. Sonra danışmağa başladılar, layiqli şəkildə nail olduğumuz vizasız gediş-gəlişi sizin üçün məhdudlaşdıracağıq. İndi də eyni şey davam edir. Ölkəni qarışdıra bilmədikləri üçün və gürcü xalqı “Gürcü Arzusu”nu dəstəklədiyi üçün, indi yeni şantaja başladılar — sən demə avqustun sonuna qədər addımlar atılmazsa, ola bilsin, məhdudiyyət olsun. Bu addımlar nədir? Sən demə şəffaflığı ləğv etməliyik, Amerika administrasiyası tərəfindən nə çılğınlıqlar edildiyini gördük; İkinci məsələ ailə dəyərləri qanunudur. Müxalifətə müraciət edirəm — Geylərə övladlığa uşaq götürmək imkanı verilməsinə razıdırlarmı? Cinsiyyətin dəyişdirilməsinə icazə verilməsinə razıdırlarmı? Geylərin nigah bağlamaq imkanına malik olmasına razıdırlarmı? Məktəblərdə və uşaq bağçalarında LGBT təbliğatının olmasına razıdırlarmı? Əgər razıdırlarsa, çıxsınlar və bunu desinlər. Əhali deyir ki, heç bir addım geri çəkilməyək. Vizasız gediş-gəliş ilə ailə dəyərləri qanununu bir-biri ilə necə əlaqələndirirlər? Aralarında nə əlaqə var? Avropa Komissiyasının yaxşı hökumət haqqında araşdırmasında Gürcüstan ən yaxşılar arasında idi, o cümlədən Avropa İttifaqı və NATO-nun bir neçə ölkəsini qabaqlayır. Bizdən daha nə istəyirlər? Gürcüstana Yunanıstana yaşatdıqlarını yaşatmaq istəyirlər. Ən qədim ölkəni bədbəxtliyə imza atmağa zorladılar. Yunanıstanda gey nigahına icazə verilib. Bunu Gürcüstandan, böyük tarixə malik ortodoks ölkədən tələb edirlər. Güzəştə getməyəcəyik, sona qədər mübarizə aparacağıq, çünki ortodoksluğun güclənməsi və qorunub saxlanması bizim maraqlarımıza daxildir” – İrakli Zarkua bildirib.