Gürcü xalqının planı çox sadədir, müqaviməti davam etdiririk, rejimlə əməkdaşlıq etmirik, o cümlədən etiraz dalğası və təbii olaraq ən mühüm tarix olan 4 oktyabr bu istiqamətdə böyük əhəmiyyətə malikdir – bu barədə “Milli Hərəkat”ın üzvü İrakli Pavlenişvili bildirib.

Onun sözlərinə əsasən, mövcud etiraz dalğası mütləq kulminasiya anına çatmalıdır.

“İvanişvilinin sistemi o qədər zorakılığa keçib ki, dövləti məhv olmaq həddinə çatdırıb. İtirəcək vaxtımız yoxdur, uzunmüddətli mübarizə aparmaq üçün də vaxtımız yoxdur, elə indi hərəkətə keçməliyik və bu qədər vaxtdır başlayan etiraz dalğasını mütləq kulminasiya anına çatdırmalıyıq. İnstitutları ələ keçirmiş, artıq seçki də keçirməyən, o cümlədən konstitusion prinsipləri də tanımayan bir rejimdən danışırıqsa, dinc inqilablar oxşar rejimləri yola salmağın reseptidir. Ona görə də etiraz hərəkatının alternativi yoxdur. Əks halda, konstruktiv siyasi şəraitdə müxalifət siyasi partiyaları məqsədlərinə seçkilər yolu ilə çatırlar. Seçkilər ləğv olunubsa, tək yol qalır – etiraz hərəkatı” -Pavlenişvili bildirib.