İrakli Pavlenişvili – Ölkədə bir milyona qədər insanın aktiv seçki hüququnun qadağan edilə biləcəyi yanaşması mövcud olduğu müddətcə heç bir seçki yoxdur

“Milli Hərəkat”ın baş katibinin müavini İrakli Pavlenişvilinin bəyanatına əsasən, “Gürcü Arzusu” hakimiyyəti müxalif siyasi partiyalara səs verən insanları məhdudlaşdırır.

Pavlenişviliyə bir neçə müxalifət partiyasının qadağan edilməsi ilə bağlı konstitusiya iddiası barədə sual ünvanlanıb.

İrakli Pavlenişvilinin izahatına əsasən, aktiv seçki hüququnun məhdudlaşdırılması sayı elə hakimiyyətin öz hesablamalarına görə bir milyona yaxın olan insana şamil olunacaq. Pavlenişvili bu halda ölkədə avtoritarizmin yekun olaraq qanuniləşdirilmiş olacağını izah edib.

“Bu ölkədə bir milyona qədər insanın aktiv seçki hüququnun qadağan edilə biləcəyi yanaşması mövcud olduğu müddətcə nəinki parlament seçkiləri, heç bir seçki yoxdur. Onlar bu dörd partiyanın nümayəndələrinin passiv seçki hüququnu yox, elə öz hesablamalarına görə sayı bir milyona çatan və keçən seçkilərdə göründüyü kimi, bu dörd siyasi partiyaya səs verən insanları məhdudlaşdırırlar. Bu ölkədə demokratiyadan əsər-əlamət belə qalmayacaq, avtoritarizm yekun olaraq qanuniləşdiriləcək. Bu, o cümlədən Qərb üçün qırmızı xətt olacaq və artıq heç bir seçki prosesinin legitimliyindən söhbət belə gedə bilməz” – İrakli Pavlenişvili bildirib.