Söz veririk ki, mübarizəni hər sahədə davam etdirəcəyik, o cümlədən bütün siyasi təqiblərə məruz qalanlara dəstək ifadə edirik – bu barədə “Lelo – Güclü Gürcüstan”ın baş katibi İrakli Kupradze brifinqdə deyib.

O bildirib ki, “Lelo – Güclü Gürcüstan” azadlığın nə bir qarışını, nə də zərrəsini vermək niyyətində deyil.

“Anti-Gürcü Arzusu” və rus rejimi bu ölkədə demokratiyaya qarşı zorakılığı, siyasi rəqiblərin təqib edilməsini və onlara qarşı zorakılığı davam etdirir. Biz cəsarətli siyasətçi və insan olan Levan Xabeişvili ilə tam həmrəy olduğumuzu bildiririk. Əsas mesajımız budur ki, Bidzina İvanişviliyə qarşı olan müxalif meydanda qorxu hökm sürməyəcək. Mövcud reallıq odur ki, bütün siyasi qərarlarında İvanişvilini qorxu idarə edir. Dövlət Təhlükəsizliyi Xidməti bu gün siyasiləşib və Bidzina İvanişviliyə tabedir, məhkəmə siyasiləşib və Bidzina İvanişviliyə tabedir. Biz azadlığın nə bir qarışını, nə də zərrəsini vermək niyyətində deyilik. Levan Xabeişvili ilə həmrəylik, bütün siyasi məhbuslarla həmrəylik. Söz veririk ki, mübarizəni hər sahədə davam etdirəcəyik və o cümlədən, bütün siyasi təqiblərə məruz qalanlara dəstək ifadə edirik” – İrakli Kupradze bildirib.