Ukrayna Prezidenti ilə bir söhbətimiz oldu, o cümlədən ümumiyyətlə münasibətlərin yenidən başlamasının əhəmiyyətinə dair söhbət oldu, qalan hissəsi əlbəttə praktiki addımlardan asılıdır – bu haqda baş nazir İrakli Kobaxidze jurnalistlərə deyib.

O, hakimiyyətlər arasında münasibətləri pisləşdirən konkret addımların olduğunu bildirib.

“Bilirsiniz ki, hakimiyyətlər arasındakı münasibətləri pisləşdirən konkret addımlar var idi. Əlbəttə, bu, möhkəm tarixi təmələ malik ölkələr və xalqlar arasındakı münasibətlərə təsir göstərə bilməz. Lakin konkret addımlara görə hakimiyyətlər arasında münasibətlər pisləşdi – səfirin geri çağırılması məsələsi, bizim səfirin, praktiki olaraq, qovulması məsələsi və sanksiyaların tətbiqi məsələsi. Sanksiyalar tətbiq etmədiyimizə və hökumətin rəsmi razılığı ilə Ukraynaya könüllü döyüşçülər göndərmədiyimizə görə səfir ölkəmizdən geri çağırıldı. Bundan sonra Ukrayna hakimiyyətinin yüksək vəzifəli şəxslərinin ikinci cəbhənin açılması ilə bağlı çağırışlarını xatırlayırsınız. Əlbəttə, bunlar hakimiyyətlər arasında münasibətləri pisləşdirən son dərəcə ağır addımlar idi. Əgər maraq olarsa, əlbəttə, hakimiyyətlərimiz arasında münasibətləri yenidən başlamağa hər cür hazırıq” – Kobaxidze bildirib.

Məlumat üçün bildirək ki, Ukraynanın xarici işlər naziri Andrei Sibiqa gürcü və isveçrəli həmkarları Maka Bocorişvili və İqnasio Kassisə liderliklərinə görə təşəkkür edib, həmçinin digər ölkələrə də BMT Nizamnaməsi və Helsinki prinsiplərini qoruduqları üçün minnətdarlığını bildirib.

Bununla yanaşı, Ukrayna Prezidenti Volodimir Zelenski Gürcüstanı Müstəqillik Günü münasibətilə təbrik edib və qeyd edib: “Gürcüstana sülh arzulayıram, qarşılıqlı faydalı münasibətlərə ümid edirik, Ukrayna bu istiqamətdə irəliləməyə hazırdır”.