Gürcüstanın baş naziri İrakli Kobaxidze Türkmənistan prezidenti Serdar Berdiməhəmmədovla görüşüb.

Söhbət zamanı təkbətək görüşdə Gürcüstan və Türkmənistan arasında dostluq münasibətlərindən, müxtəlif sahələrdə əməkdaşlıqdan söhbət açılıb. İkitərəfli siyasi və iqtisadi əlaqələrin inkişafının müsbət dinamikası qeyd edilib.

Tərəflər ortaq dəhlizin və əlaqələrin inkişafının vacibliyini vurğuladılar. Baş nazir Gürcüstanın tranzit funksiyasını daha da gücləndirmək məqsədi daşıyan nəqliyyat və logistika layihələrindən danışıb. Görüşdə həmçinin nəqliyyat və enerji sahələrində əməkdaşlığın gələcək inkişaf perspektivləri müzakirə edilib.

İrakli Kobaxidze qeyd edib ki, Gürcüstan Türkmənistanın Mərkəzi Asiyada sülhün təmin edilməsinə yönəlmiş fəal səylərini alqışlayır və Gürcüstan hökumətinin sülh siyasətindən danışıb.

Baş nazir Gürcüstanın beynəlxalq səviyyədə tanınmış sərhədləri daxilində ərazi bütövlüyü və suverenliyinə verdiyi dəstəyə görə Türkmənistan prezidentinə təşəkkür edib.

Görüşdə rəsmi səfər çərçivəsində sahə qurumları arasında müqavilələrin imzalanmasının əməkdaşlıq sahələrinin daha da genişlənməsinə töhfə verəcəyi bildirilib.

İrakli Kobaxidze Serdar Berdiməhəmmədovu Gürcüstana rəsmi səfərə dəvət edib.

Türkmənistan prezidenti Gürcüstanın baş nazirini Türkmənistan Nazirlər Kabinetində qəbul edib.

Məlumatı Gürcüstan hökumətinin administrasiyası yayıb.