“Gürcü Arzusu” partiyasının sədri, baş nazir İrakli Kobaxidze Tsalencixada “Gürcü Arzusu”nun seçki qərargahında olub, burada merliyə namizəd Quba Sacaia, partiya fəalları və tərəfdarları ilə görüşüb.

“Gürcü Arzusu”nun mətbuat xidmətinin məlumatına əsasən, İrakli Kobaxidze partiyanın üzvləri ilə birlikdə yerli özünüidarəetmə seçkilərinə hazırlıq və seçkiqabağı mühiti müzakirə edib. Ölkədə gedən siyasi proseslərə, eləcə də munisipalitetin üzləşdiyi çağırışlar və yerli əhalinin ehtiyaclarına toxunulub.

“Gürcü Arzusu”nun sədrinin qeyd etdiyi kimi, “Gürcü Arzusu”nun Tsalencixada inamlı qələbə qazanması vacibdir, çünki bu, ötən munisipalitet seçkilərində müxalifət namizədinin qalib gəldiyi yeganə munisipalitetdir.