İrakli Kobaxidze – Telavidə təbii fəlakətin nəticələrinin aradan qaldırılması üçün əlindən gələnin maksimumunu edən bütün qurumlara təşəkkür edirəm, gələcəkdə fəlakət zamanı fəsadların qarşısını almaq üçün hər şey edilməlidir

Bütün bu müddət ərzində biz birbaşa bu proseslərin koordinasiyasında iştirak etdik və Telavidə təbii fəlakətin nəticələrinin aradan qaldırılması üçün əlindən gələnin maksimumunu edən bütün qurumlara təşəkkür etmək istəyirəm – bu barədə Gürcüstanın Baş naziri İrakli Kobaxidze jurnalistlərə deyib.

Hökumət başçısının qeyd etdiyi kimi, işlərə infrastruktur, regional inkişaf, kənd təsərrüfatı nazirlikləri və Daxili İşlər Nazirliyinin Xilasetmə Xidməti cəlb olunmuşdu.

“Bütün bu qurumlar, o cümlədən yerli hakimiyyət, təbii fəlakətin nəticələrinin maksimum dərəcədə sürətli templərlə aradan qaldırılması üçün aktiv şəkildə səfərbər olunmuşdu və cəmiyyət bunun nəticələrini görür. Ən əsası, gələcəkdə belə irimiqyaslı fəlakət şəraitində fəsadların qarşısını maksimum dərəcədə almaq üçün hər şey edilməlidir, bu dövlətin ən başlıca vəzifəsidir” – İrakli Kobaxidze bildirib.