Tədqiqatlarımıza əsasən, partiya bütün ölkə miqyasında 60%-dən xeyli çox səs almalıdır. Paytaxt merliyinə namizədə gəlincə, burada düşünürəm ki, namizədimiz 60%-dən xeyli çox səs alacaq – bu barədə Gürcüstanın Baş naziri İrakli Kobaxidze səs verdiyi seçki məntəqəsində deyib.

Baş nazir bildirib ki, “Gürcü Arzusu” bütün şəhər məclislərində çox möhkəm çoxluğa malik olacaq.

“Seçki nəticələri ilə bağlı gözləntiyə gəlincə, tədqiqatlarımıza əsasən, partiya bütün ölkə miqyasında 60%-dən xeyli çox səs almalıdır. Paytaxt merliyinə namizədə gəlincə, burada düşünürəm ki, namizədimiz 60%-dən xeyli çox səs alacaq və həm Tbilisidə, həm də ölkə miqyasında bütün şəhər məclislərində çox möhkəm çoxluğa malik olacağıq və 64 munisipalitetin hamısında mer seçkilərində qalib gələcəyik. Çox yaxşı gözləntimiz var və bu vəd idi, 64-də 64. 64 mer və 64 şəhər məclisi, bizim tərəfdarlarımıza verilən bu söz mütləq yerinə yetiriləcək” – baş nazir bildirib.