Biz bu gün Tbilisi merliyinə namizəd kimi sadəcə yaxşı bir siyasətçini, sadəcə yaxşı bir idarəçini və ya sadəcə yaxşı bir vətənpərvəri təqdim edə bilərdik, lakin bu gün biz Tbilisi merliyinə namizəd kimi həqiqi çempionu, bu sözün birbaşa və dolayı mənasında çempionu təqdim edirik – bu barədə “Gürcü Arzusu” partiyasının sədri, Gürcüstanın Baş naziri İrakli Kobaxidze “Gürcü Arzusu”nun seçki kampaniyasının açılış tədbirində çıxışı zamanı deyib.

Kobaxidzenin bəyanatına əsasən, hakim partiyanın namizədi Gürcüstana ən yüksək dərəcəli qələbələr bəxş etmiş insandır.

O bildirib ki, Kaxa Kaladze Tbilisinin hər bir guşəsini inkişaf etdirə, səhmana sala və gözəlləşdirə bilər, bu isə hər bir Tbilisi sakininə lazımdır.

“Namizədimiz Gürcüstana ən yüksək dərəcəli qələbələr bəxş etmiş insandır. Namizədimiz çempion siyasətçi, idarəçi və vətənpərvərdir. O, çempion ailə başçısıdır. O, çempion dost və çempion mübarizə yoldaşıdır.

Tbilisiyə daha çox həyat, Tbilisinin hər bir məhəlləsinə daha çox həyat, paytaxtın hər bir guşəsinə inkişaf, daha gözəl, daha yaşıl və daha da səhmanlanmış şəhər – sevimli paytaxtımıza və hər bir Tbilisi sakininə ən çox lazım olan budur və bu, ən yaxşı Kaxa Kaladzenin bacardığı şeydir.

Məhz bu səbəbdən, “Gürcü Arzusu” komandası adından Gürcüstan paytaxtının merliyinə namizəd kimi, daha doğrusu – gələcək mer kimi istənilən Avropa paytaxtının arzulayacağı insanı təqdim etmək şərəfinə nail oldum. Bu, komandamızın görkəmli lideri, bütün dövrlərin ən uğurlu Tbilisi meri – Kaxa Kaladzedir” – İrakli Kobaxidze bildirib.