İrakli Kobaxidze – Tacikistan Respublikasına səfər çərçivəsində həm birgə kommünike, həm də əməkdaşlığımızın dərinləşməsinə töhfə verəcək bir sıra ikitərəfli sənədlər imzalanıb

Əminəm ki, bu səfər Gürcüstan-Tacikistan ikitərəfli münasibətlərini yeni səviyyəyə qaldıracaq. Səfər çərçivəsində həm birgə kommünike, həm də əməkdaşlığımızın dərinləşməsinə töhfə verəcək bir sıra ikitərəfli sənədlər imzalanıb – bu barədə Gürcüstanın Baş naziri İrakli Kobaxidze Tacikistan Respublikasının Prezidenti Emomali Rahmon ilə birlikdə keçirdiyi brifinqdə bəyan edib.

Baş nazir, prezidentlə görüş zamanı ikitərəfli əməkdaşlığın müxtəlif məsələlərini, o cümlədən Gürcüstan və Tacikistanın beynəlxalq təşkilatlar çərçivəsindəki əməkdaşlığını müzakirə etdiklərini bildirib.

“Bu gün Tacikistan Respublikasında rəsmi səfərdə olmaqdan məmnunam. Qeyd etmək istərdim ki, xalqlarımızı və ölkələrimizi qarşılıqlı hörmətə əsaslanan tarixən formalaşmış xüsusi münasibətlər bağlayır. Buna baxmayaraq, bu gün Gürcüstandan Tacikistan Respublikasına ali səviyyədə ilk səfər baş tutdu. Müvafiq olaraq, bu səfər öz mahiyyəti etibarilə tarixi səfər kimi qiymətləndirilə bilər. Əminəm ki, bu səfər Gürcüstan-Tacikistan ikitərəfli münasibətlərini yeni səviyyəyə qaldıracaq. Biz münasibətlərimizin və dostluğumuzun daha da dərinləşməsində olduqca maraqlıyıq.

Səfər çərçivəsində həm birgə kommünike, həm də əməkdaşlığımızın dərinləşməsinə töhfə verəcək bir sıra ikitərəfli sənədlər imzalanıb.

Bu gün Prezident Rahmon ilə görüşmək mənim üçün böyük şərəf idi. İkitərəfli əməkdaşlığın müxtəlif məsələləri barədə çox maraqlı söhbətimiz oldu. Bu il Tacikistan Respublikası müstəqilliyinin 35 illiyini qeyd edir. Sizə öz səmimi təbriklərimi çatdırmaq, Sizə və dost Tacikistan xalqına sülh, firavanlıq və gələcək uğurlar arzulamaq istəyirəm.

Fürsətdən istifadə edərək, Tacikistan Respublikasının hakimiyyətinə Gürcüstanın beynəlxalq səviyyədə tanınmış sərhədləri daxilində suverenliyini və ərazi bütövlüyünü dəstəklədiyinə görə bir daha minnətdarlığımı bildirirəm. Biz bu gün əməkdaşlığın müxtəlif aspektlərini, o cümlədən Gürcüstan-Tacikistanın beynəlxalq təşkilatlar çərçivəsindəki əməkdaşlığını müzakirə etdik və gələcəkdə də bu istiqamətdə aktiv tərəfdaşlığı davam etdirməyə hazır olduğumuzu ifadə etdik” – baş nazir qeyd edib.