Amerika Birləşmiş Ştatlarının yeni prezidentinin andiçmə mərasimini böyük səbirsizliklə gözləyirik. Son dörd il ərzində ABŞ-Gürcüstan münasibətlərində çoxlu çağırışlar olub və Donald Trampın prezidentliyi şəraitində bütün bu anlaşılmazlıqların keçmişdə qalacağına böyük ümidimiz var – bu haqda Gürcüstanın Baş naziri İrakli Kobaxidze macar siyasi “YouTube” kanalına müsahibəsində bildirib.

Baş nazir bildirib ki, Gürcüstan hakimiyyəti Amerika Birləşmiş Ştatları ilə münasibətlərin yenidən başlamasında maraqlıdır.

“Bəli, ABŞ-ın indiki və ya getməkdə olan administrasiyasının bəzi nümayəndələri Gürcüstana və ümumilikdə regiona münasibətdə yeni administrasiyaya çətin miras qoymağa çalışırlar. Eyni şeyə Ukrayna ilə münasibətdə cəhd etdilər və Gürcüstanla münasibətdə də eyni cəhddir. Amerika Birləşmiş Ştatlarının yeni prezidentinin andiçmə mərasimini böyük səbirsizliklə gözləyirik. Son dörd il ərzində ABŞ-Gürcüstan münasibətlərində çoxlu çağırışlar olub və Donald Trampın prezidentliyi şəraitində bütün bu anlaşılmazlıqların keçmişdə qalacağına böyük ümidimiz var. Beləliklə, Amerika Birləşmiş Ştatları ilə münasibətlərin yenidən başlamasında çox maraqlıyıq. Əminəm ki, bu, prezident Trampın administrasiyası şəraitində baş verəcək” – baş nazir bildirib.