İrakli Kobaxidze: Sinqapurda biznes nümayəndələri ilə keçirilən görüşlər müxtəlif istiqamətlərdə yeni investorların cəlb olunmasına kömək edəcək və bu, çox maraqlı olacaq.

“Biz Sinqapurda biznes nümayəndələri ilə görüş keçirdik. Görüş zamanı şirkətlər arasında əlaqələr və Gürcüstana investisiyaların əhəmiyyəti barədə danışdıq”.

Bu barədə Gürcüstanın Baş naziri İrakli Kobaxidze Sinqapurda jurnalistlərə açıqlamasında bildirib.

Onun sözlərinə görə, hazırda Gürcüstanda Sinqapurdan olan təxminən 30 şirkət uğurla fəaliyyət göstərir.

“Hazırda Sinqapurdan olan təxminən 30 şirkət Gürcüstanda fəaliyyət göstərir və onların ölkəmizdə biznes aparmaqla bağlı çox uğurlu təcrübəsi var. Əlbəttə ki, bu təcrübəni digər şirkətlərlə də bölüşdük və əminik ki, bu görüş Sinqapurdan Gürcüstana yeni investorların cəlb olunmasına kömək edəcək.

Bu, müxtəlif istiqamətlərdə bizim üçün çox maraqlı olacaq. Xüsusilə fintex, informasiya texnologiyaları sahələri, eləcə də süni intellektin tətbiqi baxımından Sinqapurla əməkdaşlıq çox maraqlı perspektivlər yaradır”, – deyə Baş nazir qeyd edib.