Düşünürəm ki, ATƏT/DTİHB-nin Gürcüstana gəlməməsinin əsas səbəbi odur ki, radikal müxalifət, onların əcnəbi havadarları tərəfindən misli görünməmiş hücumlar oldu, bu fonda ATƏT/DTİHB-nin çəkinməsi üçün səbəbi var idi – bu barədə Gürcüstanın Baş naziri İrakli Kobaxidze jurnalistlərə deyib.

İrakli Kobaxidzenin qeyd etdiyi kimi, özünüidarəetmə seçkiləri üçün Gürcüstana olduqca çox müşahidəçi gəlib.

“Faktiki olaraq olduqca çox müşahidəçi gəlib. MSK-nın brifinqi oldu və çoxlu müşahidəçi gəlib, səhv etmirəmsə, 1000-dən çox müşahidəçi gəlib. Biz həmçinin ATƏT/DTİHB-ni dəvət etdik, lakin onlar cavab yazdılar ki, missiyanı komplektləşdirə bilməyəcəkdilər.

2007-ci ildə seçkilərə bir ay qalmış ATƏT/DTİHB-ni dəvət etmişdilər və o zaman missiyanın komplektləşdirilməsi çox asan şəkildə baş tutdu, ona görə də bu müddət əslində bəhanə idi. Düşünürəm ki, ATƏT/DTİHB-nin Gürcüstana gəlməməsinin əsas səbəbi odur ki, radikal müxalifət, onların əcnəbi havadarları tərəfindən misli görünməmiş hücumlar oldu, bu fonda ATƏT/DTİHB-nin çəkinməsi üçün səbəbi var idi. Üç ilə ATƏT/DTİHB mütləq Gürcüstanda olacaq və adəti üzrə parlament seçkilərini müşahidə edəcək” – baş nazir bildirib.