Radikal müxalifət daxilində fikir ayrılığı var, cəmiyyətə fərqli mesajlar verirlər. Nəhayət cəmiyyət və ölkəni sakitləşdirməyə nail ola bilməyimiz üçün bütün bunlar yaxşı haldır, bu, bizim əsas vəzifəmizdir – bu haqda Gürcüstanın Baş naziri İrakli Kobaxidze 4 oktyabr ilə əlaqədar Qiorqi Qaxarianın mövqeyinə aid jurnalistin sualına cavabında deyib.

Hökumət başçısı bildirib ki, bu proses son nəticədə ölkəni sakitləşdirəcək və hakimiyyət buna maksimal şəkildə dəstək olacaq.

“Radikal müxalifət daxilində fikir ayrılığı var, cəmiyyətə bir-birindən radikal şəkildə fərqli mesajlar verirlər. Nəhayət cəmiyyəti sakitləşdirməyə, ölkəni sakitləşdirməyə nail ola bilməyimiz üçün bütün bunlar yaxşı haldır, bu, bizim əsas vəzifəmizdir. Bu, son nəticədə ölkəni sakitləşdirməyə aparacaq düzgün prosesdir. Bu, bizim vəzifəmizdir və buna maksimal şəkildə dəstək olacağıq” – İrakli Kobaxidze bildirib.

“Qaxaria Gürcüstan Naminə” partiyasının sədri Qiorqi Qaxaria media vasitələrindən birinin efirində deyib: “Seçki boykotundan sonra oktyabrın 4-də inqilab və dinc yolla çevrilişin elan edilməsi, Gürcüstan vətəndaşlarına alternativin nə olduğunu göstərmək üçün bu çılğınlıqdan özünün məhdud legitimliyini ört-basdır etmək üçün istifadə edən “Gürcü Arzusu” üçün ən böyük hədiyyə oldu”. Bununla yanaşı, Qaxaria qeyd edib: “Vətəndaşlara deyirsən ki, oktyabrın 4-ü dinc çevriliş günü olmalıdır və inqilab üçün resursun yoxdur, sonra xalqı günahlandıracaqlar ki, kifayət qədər xalq çıxmadı, biz nə edə bilərik?”. Qiorqi Qaxaria bildirir ki, “4 oktyabrın dinc çevriliş və ya dinc inqilabını ictimai etirazla eyniləşdirmək, faktiki olaraq, bu etirazın qanunsuzlaşdırılması və “Gürcü Arzusu”nun legitimləşdirilməsi idi”.