Gürcüstanın Baş naziri İrakli Kobaxidze parlamentin sədri Şalva Papuaşvili və Nazirlər Kabinetinin üzvləri ilə birlikdə Qurcaanidə kulinariya kollecinin tikinti prosesi ilə tanış olub.

200 tələbə üçün nəzərdə tutulmuş peşə kolleci 21 600 kvadratmetr sahədə yerləşəcək. Ən son standartlara uyğun nəzəri tədris auditoriyaları, konfrans zalları, restoran, mətbəx, soyuducu və anbar sahələri qurulacaq. Kollec ən müasir texnika və avadanlıqla təchiz ediləcək.

Kompleksdə həmçinin 60 tələbə üçün nəzərdə tutulmuş kampus, idman zalı və istirahət məkanı fəaliyyət göstərəcək. Bina xüsusi ehtiyacı olan insanlar üçün tam uyğunlaşdırılacaq. Layihə Bask Kulinariya Məktəbi ilə tərəfdaşlıqla həyata keçirilir və dəyəri 17 milyon lariyə qədərdir.