İrakli Kobaxidze - Qəzza sektorunda atəşkəs razılaşmasını təqdir edirik, Prezident Trampın həlledici diplomatiyası Qətər, Misir və Türkiyənin vasitəçiliyi ilə əsas rol oynadı

21:58, 09.10.2025

Qəzza sektorunda atəşkəs razılaşmasını sülhə doğru ümidverici mühüm mərhələ kimi təqdir edirik – bu barədə Gürcüstanın Baş naziri İrakli Kobaxidze X sosial şəbəkəsində yazır.

Hökumət başçısı razılığın əldə olunmasında ABŞ Prezidentinin diplomatiyasının həlledici rolunu vurğulayır və girovların azad edilməsinin əhəmiyyətindən danışır.

“Prezident Trampın həlledici diplomatiyası Qətər, Misir və Türkiyənin vasitəçiliyi ilə bu razılaşmanın əldə olunmasında əsas rol oynadı. Girovların dərhal azad edilməsi uzunmüddətli sülhün əsasını qoyacaq, bu isə ümumi məsuliyyətimizdir” – İrakli Kobaxidze qeyd edir.

Müəllif - Sevinj Mustafaeva

Siyasət