Gürcü idmanının uğur tarixi davam edir və bu qələbənin əsas yaradıcıları Luka Berulava və Anastasia Metelkinaya xüsusi təşəkkürümü bildirirəm – bu haqda Gürcüstanın Baş naziri İrakli Kobaxidze parlamentdə interpelyasiya qaydası ilə dinləmə zamanı deyib.

Baş nazir bildirib ki, hökumət qərar qəbul edib və hər bir idmançı bu qələbəyə görə 500 000 lari alacaq.

“İdmançılarımızı daha bir vacib uğur münasibətilə təbrik etmək istəyirəm. Tarixdə ilk dəfə olaraq, ölkəmiz Qış Olimpiya Oyunlarında medallar qazandı, bu da çox böyük uğurdur. Gürcü idmanının uğur tarixi davam edir və bu qələbənin əsas yaradıcıları Luka Berulava və Anastasia Metelkinaya, eləcə də onların məşqçilərinə xüsusi təşəkkürümü bildirirəm. Bu, tarixi qələbədir. Əminəm ki, bu, gələcəkdə bu idman növündə və qış idman növlərində çox əhəmiyyətli uğurlar üçün ilkin şərt olacaq.

Mükafat yerləri üçün pul mükafatı təyin etmişdik. Hər medal və müvafiq olaraq, cütlük üçün 500 000 lari pul mükafatı təyin olunmuşdu. Müvafiq olaraq, hər biri 250 000 lari alacaqdı, biz qərar qəbul etdik və bu qələbə üçün cütlükdəki hər bir idmançı 500 000 lari alacaq, çünki bu, onların ölkəmizə qazandırdığı tarixi qələbədir” – baş nazir bildirib.