İrakli Kobaxidze – On il ərzində Mamuka Mdinaradze ölkənin inkişafında və komandamızın güclənməsində öz əksini tapan çox böyük işlər görüb, ona yalnız və yalnız təşəkkür düşür

Mamuka Mdinaradzeyə çox mühüm fəaliyyətinə, öz ölkəsi qarşısındakı xidmətlərinə və komanda qarşısındakı əməyinə görə təşəkkür etmək istəyirəm — bu barədə Gürcüstanın Baş naziri İrakli Kobaxidze bildirib.

O bildirib ki, on il ərzində Mamuka Mdinaradze ölkənin inkişafında və “Gürcü Arzusu” komandasının güclənməsində öz əksini tapan çox böyük işlər görüb.

“İlk növbədə, Mamuka Mdinaradzeyə çox mühüm fəaliyyətinə, öz ölkəsi qarşısındakı xidmətlərinə və komanda qarşısındakı əməyinə görə təşəkkür etmək istəyirəm. On il ərzində o, ölkənin inkişafında və komandamızın güclənməsində öz əksini tapan çox böyük işlər görüb. Ona yalnız və yalnız təşəkkür düşür. Onun qəbul etdiyi qərar bizim üçün təəssüf doğurur. Dünən və bu gün görüşlərimiz oldu, o cümlədən cənab Bidzina İvanişvili ilə birlikdə məsləhətləşmələr apardıq. Bu, onun qərarı idi. Biz onu əks qərara inandırmağa çalışdıq, lakin onun mövqeyi qəti idi. Bir daha Mamuka Mdinaradzeyə ölkə və komanda üçün etdiyi hər şeyə görə təşəkkür edirəm” — Kobaxidze bildirib.

Məlumat üçün bildirək ki, Mamuka Mdinaradze regional inkişaf naziri vəzifəsindən istefa verib və siyasətdən getdiyini bəyan edib.