İrakli Kobaxidze – Müstəqillik Günü ilə əlaqədar ABŞ-nin səfirliyinə getməyimə ABŞ Prezidentinin müsbət məktubla münasibət bildirməsi çox önəmlidir, bu cür mesajlar nikbinliyimizi qoruyur

Amerikanın Müstəqillik Günü ilə əlaqədar Amerika səfirliyinə getməyimə ABŞ Prezidentinin belə müsbət məktubla münasibət bildirməsi çox önəmlidir – bu barədə baş nazir İrakli Kobaxidze jurnalistin sualına cavab verərkən bildirib.

Onun sözlərinə əsasən, Gürcüstan hakimiyyətinin arzusu strateji tərəfdaşlığı təmiz vərəqdən, konkret yol xəritəsi ilə bərpa etməkdir və belə mesajlar nikbinlik üçün əsas yaradır.

“Bizim üçün Amerikanın Müstəqillik Günü ilə əlaqədar Amerika səfirliyinə getməyimə ABŞ Prezidentinin belə müsbət məktubla münasibət bildirməsi çox önəmlidir. Bizim arzumuz münasibətlərimizi tamamilə yenidən başlamaq, strateji tərəfdaşlığı bərpa etmək və bütün bunları təmiz vərəqdən, konkret yol xəritəsi ilə etməkdir və bu cür mesajlar münasibətlərin tezliklə yenidən başlayacağına dair nikbinliyimizi qoruyur. Bu, bizim arzumuzdur və Amerika tərəfinin bu məsələ ilə bağlı qəti mövqeyini səbirlə gözləyirik” – Kobaxidze qeyd edib.

Məlumat üçün bildirək ki, ABŞ Prezidenti Donald Tramp Gürcüstanın Baş naziri İrakli Kobaxidzeyə məktub göndərir və Amerikanın müstəqilliyinin 250-ci ildönümü münasibətilə təbrikə görə təşəkkürünü bildirir. Tramp məktubda qeyd edir: “Suverenlik, təhlükəsizlik və uzunmüddətli rifahın dəstəklənməsi naminə birgə fəaliyyət göstərməklə əhəmiyyətli tərəqqiyə nail ola bilərik. Daha təhlükəsiz, firavan və dinc gələcəyə doğru birlikdə addımlamaq üçün əməkdaşlığımızı gücləndirməyi səbirsizliklə gözləyirəm”.