Müharibə tərəfi ilə sülhsevər qüvvələr arasında mübarizə həlledici mərhələyə qədəm qoyur. Ümid edək ki, bu döyüş sülhün qələbəsi ilə başa çatacaq. Bu barədə baş nazir İrakli Kobaxidze sosial şəbəkədə yazıb.

Kobaxidzenin qeyd etdiyi kimi, Ukraynada müharibə nə qədər tez bitsə, bir o qədər az ukraynalı həyatını itirəcək və sülh bir o qədər tez bərqərar olacaq.

“Dünən müharibə tərəfi ilə sülh tərəfi arasında bir daha aydın xətt çəkildi. Mən daha çox Tramp-Zelenski mübahisəsini deyil, bu mübahisəyə sonrakı cavabı nəzərdə tuturam. Prezident Tramp və onun sülh səyləri qanlı müharibənin başlanmasına, Ukraynanın və minlərlə ukraynalının soyuqqanlılıqla öldürülməsinə görə məsuliyyət daşıyan insanlar tərəfindən bir-birinin ardınca pisləndi.

Qlobal Müharibə Partiyası dərhal Brüsseldə Cin Şahindəntutmuş çoxsaylı məmurlara qədər prezident Trampa qarşı tanış sözçüləri səfərbər etdi. Cəmi bir ay əvvəl prezident Trampın inauqurasiyasının arxa otağında çəkilmiş “selfie”ləri ilə öyünən gürcü radikal müxalifətinin liderləri onlardan çox da geridə qalmamışdı. Dünən sülh istəyən və ukraynalıların taleyindən narahat olan qüvvələrlə hər bir son ukraynalını öldürmək istəyən qüvvələr arasında sərhəd növbəti dəfə keçdi. Qlobal Müharibə Partiyası və Dərin Dövlətin belə asanlıqla müharibədən əl çəkməyəcəyi də aydın oldu.

Üç ildir mübahisə etdiyimiz şey bir daha sübut olundu – ABŞ və Qlobal Müharibə Partiyası iki fərqli qurumdur. Nəzərinizə çatdıraq ki, rəqiblərimiz bütün bu illər ərzində aralarında bərabərlik işarəsi qoymağa çalışırlar. Müharibə tərəfi ilə sülhsevər qüvvələr arasında mübarizə həlledici mərhələyə qədəm qoyur. Ümid edək ki, bu döyüş sülhün qələbəsi ilə başa çatacaq. Ukraynada müharibə nə qədər tez bitsə, bir o qədər az ukraynalı həyatını itirəcək və bütün regionda bir o qədər tez sülh bərqərar olacaq. Prezident Trampa bu çətin mübarizədə dözüm və cəsarət arzulayıram”, – İrakli Kobaxidze yazıb.