Yanvar ayında Milli Bank ehtiyatları əlavə 141 milyon dollar artırıb və nəticədə daha bir rekord göstərici qeydə alınıb. Bu barədə Gürcüstanın Baş naziri İrakli Kobaxidze hökumətin bugünkü iclasında bildirib.

Hökumət başçısının sözlərinə görə, ümumi ehtiyat aktivlərinin həcmi 6,3 milyard dollara çatıb.

“Beynəlxalq ehtiyat aktivləri üzrə irəliləyişimiz var. Yanvar ayında da valyuta və digər ehtiyat aktivlərimizin artırılması prosesi davam edib. Yanvarda Milli Bank ehtiyatları əlavə 141 milyon dollar artırıb. Nəticədə daha bir rekord göstərici qeydə alınıb. Ehtiyat aktivlərimizin ümumi həcmi artıq 6,3 milyard dollar təşkil edir. Görülən işlərə görə Milli Banka təşəkkürümü bildirirəm. Milli Bankın prezidentinə, rəhbərliyinə, Şura üzvlərinə – hər kəsə görülən işlərə görə təşəkkür edirəm”, – deyə İrakli Kobaxidze bildirib.