Ölkəmiz üçün mühüm mesajları səsləndirdiyim Mühafizəkarların Siyasi Fəaliyyət Konfransında çıxış etmək imkanım oldu – bu barədə Gürcüstanın Baş naziri İrakli Kobaxidze Macarıstanda gürcü jurnalistlərə deyib.

Gürcüstan hökumətinin başçısı konfransın təşkilinə görə Macarıstanın Baş naziri Viktor Orbana və macar tərəfinə təşəkkür edib.

“Əsas ev sahibi olan Viktor Orbana təşəkkür etmək istərdim. Onunla ikitərəfli görüş keçirmək imkanımız da oldu. Həmçinin, bu formatda müxtəlif ölkələrdən olan müxtəlif siyasətçilərlə, o cümlədən konqresmenlərlə, ölkəmizin mövqeləri ilə bağlı məsələlər barədə danışmaq imkanım oldu. Ümumilikdə, maraqlı səfər oldu və bütün bunları təşkil etdiyinə görə macar tərəfinə təşəkkür edirəm” – baş nazir bildirib.